Kamari....
Embak-embakan luhur cai,mitingtrim harepan anu sajati....
Linduh iuh taya bangbaluh,rehe simpe nyanding jero hate,,
Dina parahu...
Sagagang malati endah,pang seungitna nyambuang,hiliwirna marengan wayah kedalna sumpah,,
kaheman urang pasini saarah lampah...
Ayeuna....
Gogoda ngagedor dada,nurihan sungsuamna rasa,,
Anjeun tega mindah cinta,paheut milih kalungguhan dunia,,
Harieun duh panutan....
Bet ngarerab raraosan,,
ibarat gerhana nutupan purnama anu nyaangan,,
Peunggas tangkal harepan....
Laas impenan kabagjaan,,
ilang marengan muragna cimata,,
Tidak ada komentar:
Posting Komentar