LEBU SAREUPNA

Harewos dasaring qolbu ...
lambey mitutur dareuda ka angin ,
naha teu suda ngayun-ngayun raga ,
satia ngupahan disaban wayah ,

Saleresna ...
rasa lungkawing jempling ,
owah lampah lir umpama teu éling ,

niti mangsa harita cinta ,
meupeurih nurihan teu euih-euih ,
ngarakrak lambaran bagja ,

sagara kahéman robih lir salimut seuneu ,

Harianeun ari anjeun
naha micinta ...
bet ngudag ngudag sagunung harta ,

Abdi ukur tumampa...
ieu takdirna ku ka alaman ,

mungguh diri mah lir lebu sareupna ,
taya mamanis lungguhna dunya ,

codeka cinta anjeun ...seukeut nyisikudi salangkung hinis ,

pipileuleuyan halimun harta ...
lebu sareupna ...pamit mungkas carita .